Sorkarin e-pharmacies enfiah dawn

Sorkar laipui chuan license nei loa online hmanga damdawi hralh chhuak ṭhin company-te dapin a enfiah dawn.

Ministry of health aṭangin company 20 chuang chuan show cause notice an dawng tawh a, an zingah hian Practo, Tata1mg, Amazon, Flipkart, Zeelabs, Netmeds, Apollo, ParmEasy leh Healthcart-te pawh an tel. Central Drugs Standard Control Organisation (CDSCO) hnenah insawifiah tura hriattir an ni.

Health official chuan hun tiam chhunga CDSCO-a insawifiahna an thehluh loh chuan heng company-te chungah hian na taka action lak a nih tur thu a sawi. Online platform hmang hian drugs and cosmetics act, 1940 kalhah damdawi zawrhchhuah a awm fo thu sawiin, heng damdawi zawrh zingah ṭhenkhat chu registered medical practitioner-in a chawh hnuah chauh, pharmacist enpuina hnuaiah retail chauha zawrh chhuah phalte an awm a ni, a ti.