Kum 2022-a mi nuai 2.25-in India khua leh tui nihna titawp

Sorkar laipui data-a a lan danin, nikum chhungin India mi nuai 2.25-ten India khua leh tui an nihna an titawp/bansan.

Kum 2011 aṭanga nikum thleng khan Indian citizenship titawp hi mi nuai 16 chuang an awm tawh a, an tlem ber kum chu kum 2020 kha niin mi 85,256 an awm a ni.

External affairs minister S Jaishankar chuan Rajya Sabha-a zawhna a chhannaah hei hi tarlangin, ram dang citizenship nei a, India khua leh tui an nihna titawp hi kum 2015 khan mi 1,31,489 awmin, 2016-ah 1,41,603, 2017-ah 1,33,049, 2018-ah 1,34,561, 2019-ah 1,44,017, 2020-ah 85,256 leh 2021-ah 1,63,370 an awm tih a sawi.

Indian citizenship titawpten citizenship an neihna hi ram 135 a nih thu a sawi bawk.