President-in state leh UT 12-a Govenor tur ruat

President Droupadi Murmu-i chuan nimin khan state leh union territory 12-a governor thar turte a ruat a, hemi rual hian Maharastra governor Bhagat Singh Koshyari leh Ladakh lieutenant governor Radha Krishnan Mathur-te banna thehluh a pawmsak nghal bawk.

President Secretariat-in thuchhuah a siamah, Arunachal Pradesh governor atan Lt.General Kaiwalya Trivikram Pranaik ruat a ni a, Sikkim governor atan Lakhman Prasad Acharya ruat a ni bawk.

C.P Radhakrishnan chu Jharkhan governor thar a ni dawn a, Himachal Pradesh governor thar atan Shiv Pratap Shukla a awm dawn bawk. Gulab Chand Kataria chu Assam governor thar niin, justice (Retd.) S. Abdul Nazeer chu Andhra Pradesh governor a ni ang.

President Murmu chuan Andhra Pradesh governor Biswa Bhusan Harichandan chu Chhattisgarh governor turin a ruat a, Chhattisgarh governor Sushri Anusuiya Uikye chu Manipur governor thar atan a ruat bawk.

Manipur governor LA Ganeshan chu Nagaland governor-ah dah a ni dawn a, Bihar governor Phagy Chauhan pawh Meghalaya governor a ni tawh thung ang. Himachal Pradesh governor Rajendra Vishwanath Arlekar chu Himachal Pradesh governor-ah a awm tawh dawn a ni.

Jharkhand governor Ramesh Baise chu Maharashtra governor-ah dan a ni a, Arunchal Pradesh governor Brig. (Dr.) Shri B.D. Mishra (Retd.) chu Ladakh lieutenant governor a ni tawh thung ang.