Delhi Mayor thlan hun tur ruat thar leh

Delhi civic body chu mayor thlang turin Ningani hian an ṭhukhawm leh dawn.

Aam Aadmi Party (AAP) leh Bharatiya Janata Party (BJP) member-te in aubuai leh lungawi loh avangin mayor thlan tur hi ṭum thum an ṭhulh tawh a ni.

Chief minister Arvind Kejriwal leh kaihhruai AAP chuan February 16-ah mayor thlan hi rawt lehin, an rawtna hi lieutenant governor VK Saxena chuan a pawmsak.

January 6, 24 leh Ferbuary 6 khan Mayor thlang turin councillor-te an inhmukhawm a, mahse Delhi Municipal Corporation Act-in a phal loh, Lieutenant Governor-in member atanaa ruatte vote thlak tir tum an nih avangin AAP in an duh lo a, an inthlang thei lo a ni.

Nikum December thlaa Municipal Corpo­ration of Delhi (MCD) inthlanah AAP hian hnehna a chang a, ward 134-ah chakin kum 15 chhung BJP-in civil body-a rorelna an lo chelh tawh chu an tihtawp sak a ni. BJP hian ward 104-ah hnehna changin, Congress-in ward pakuaah hnehna an chang ve bawk.

Delhi mayor, kum nga term chhung hian mayor hi an thlak kual ṭhin. A kum khatna chu hmeichhe puala dah niin, a kum hnihna open caterogy, a kum thumna reserved caterogy, a bak kum hnih chu open category-ah bawk dah a ni. Kumin hi MCD term thar a ni a, a kum khatna atan hmeichhe mayor an thlang dawn a ni.