MP-a Kristian biak-in halsak Biak-in chhung bangah 'Ram' tih an ziak

Madhya Pradesh-a Narmadapurm district-ah Pathianni khan mi tu tih hriat lohten Kristian biak-in halin an suasam a, biak-in chhung bangah 'Ram' tih an ziak bawk.

He pawikhawihna thlenna hmun hi tribal chenna bial, Sukhtawa block-a Chura Pura khua niin, he kohhran hi America-a Evangelical Lutheran Church nena inthlunzawm an ni. Biak-in hi district headquarters aṭanga km 40 vela hlaa awm niin, kum nga liam taa sak kha a ni.

Pawikhawihtute hian biak-in furniture-te an hal a, lehkhabu leh hmanraw dangte pawh an tichhe bawk. Police-te chuan Indian Penal Code Section 295 hnuaiah thubuai ziahluh nghal a ni tih an sawi.