Asia-a aero show lian ber, Aero India 2023 neih ṭan a ni

Prime minister Narendra Modi chuan nimin khan Asia-a aero show lian ber, Aero India 2023 chu Bengaluru-ah a hawng.

Aero India hi a ṭum 14-na niin, ni nga awh tur a ni. Kuminah hian thupui atan 'The runway to a billion opportunities' tih hman a ni. Tun ṭum Aero India-ah hian ram 98 aṭangin company 809 vel an tel. A ni khat ni hian aerobatics display neih niin, exhibition leh trade fair lian tham tak buatsaih a ni bawk. Show neih chhung hian India leh foreign defence company hrang hrangten investment ti tura inremna 251, Rs vbc 75,000 hu an ziah rin a ni. Exhibition-ah hian India company tel zingah MSME leh start-up te pawh an tel. Exhibitor zingah hian Airbus, Boeing, Dassault Aviation, Lockheed Martin, Israel Airbus, Boeing, Dassault Aviation, Lockheed Martin, Israel Aerospace Industry, BrahMos Aerospace, Army Aviation, HB Robotics, SAAB, Safran, Rolls Royce, Larsen and Toubro, Bharat Forge Limited, Hindustan Aeronautics Limited (HAL), Bharat Electronics Limited (BEL), Bharat Dynamics Limited (BDL) leh BEML Limited-te an tel bawk.

Prime Minister chuan India chu khawvela defence exporter lian ber zingah a tel chho mek tih sawiin, Aero 2023 chu defence leh aerospace sector lama India theihna a pholang a ni, a ti. Show neih chhung hian ram chhunga equipment/technology siam hrang hrangte bakah foreign company nena thawkduna an thil siamte pholan a ni ang.