Private hospital-a Amit Shah luh chhan zawt

Congress party hruaitu, Shashi Tharoor chuan union home minister Amit Shah-a'n Covid-19 a kai tih a inhriat hnua inenkawlna tura sorkar hospital aia private hospital a thlanna chhan a zawt. Amit Shah hi coronavirus a kai tih hriat a nih hnuah, Pathianni khan Gurugram, Haryana-a Medantga Hospital-ah a lut a ni. 

Thiruvananthapuram Lok Sabha MP, Tharoor chuan, "Engvangin nge kan Home Minister hian AIIMS pan mai lo a, thenawm state-a private hospital a panna chhan hi kan hre chak a ni," tiin, mipuiten sorkar institution-te an rin ngamna tur chuan anmahniin an tihhmuh hmasak a ngai tih a sawi.