Krishi Udan hnuaiah airport 21 dah belh dawn : Jyotiraditya Scindia

Civil Aviation minister Jyotiraditya Scindia chuan Krishi Udan scheme hlawhtling taka kalpui a nih thu sawiin, sorkar laipui chuan he scheme hnuaiah hian airport 21 dang pawh dahbelh leh a tum tih a sawi.

Nimina chanchinthar lakhawmtute a kawmnaah, Union Minister Scindia chuan, "Krishi Udan hnuaiah hian airport 31 vel an awm mek. Ministry of defence biain, airport dang 21 pawh dah belh turin kan ngen a ni," a ti.

Krishi Udan hi thlai leh thei thar chhuahte rang zawka phurh kual an nih theihna, special flight a ni. A hlawhtling chho hle a ni. He scheme hmang hian hmarchhak biala lemon, grape leh lamkhuangte chu ram chhung hmun dangah leh, ram pawn lam - Germany, London, Singapore leh Philippines-ahte phurh chhuah a lo ni tawh tih Scindida chuan a sawi.