Adani Group-in independent audit ti turin Grant Thornton ruai dawn

US short-seller Hindenburg Research report-in Adani Group sumdawnna kalpui dan dik tawk lo nia sawi a tarlan avanga company-in buaina nasa tak an tawh hnuah, Adani Group chuan an puhna hi a dik lo tih pholan tumin independent audit ti turin accountancy firm, Grant Thornton an ruai.

Adani Group hian Reserve Bank of India (RBI) leh regulator dangte hnenah thil thup engmah an neih loh thu leh, dan ang takin thil an kalpui a ni tih lantirna turin audit hi a neihtir dawn nia sawi a ni. Fund-te tihchingpen a ni em tih leh, loan-te an lakna ni lo thil dangah an hmang em tihte enfiah a ni dawn a ni.

Hindenburg report tihchhuah a nih hnuah an market share tlahniam pawh a rawn ziaawm chho leh ṭan tawh niin Adani Group chuan a sawi a, shareholder-te pawh an chanpual an pe thei vek dawn tih a sawi. Hinderburg report-in an tih dik lo nia a sawite chu phain, report chu dik lo leh belhchian dawl lo niin a puh.