S Africa aṭangin Cheetah 12 lalut leh dawn

South Africa aṭangin wild cheetah 12 lakluh a ni leh dawn a, naktuk hian Madhya Pradesh-a Kuno National Park (KNP) hian an rawn thlen beisei a ni. Cheetah lakluhna tur hian January thla khan India leh South Africa chuan memorandum of understanding (MoU) an lo ziak tawh a ni.

Cheetah lakluh tur hi a pa pasarih leh a púi panga an ni dawn a, Indian Air Force (IAF) aircraft hmangin, Johannesburg aṭangin Gwalior-ah phurh thlen an ni ang. Gwalior aṭang hian IAF copter hmang vekin km 165 vela hla, KNP hi panpui an ni dawn a ni. KNP thlenpui an nih hnuah cheetah-te hi quarantine bomas (enclosure) ah an dah leh ang. Quarantine bomas hi 10 lo siam lawk a ni.

Nikum September 16 khan private aircraft-in Namibia aṭangin cheetah pariat chu India ramah lakluh an lo ni tawh bawk.