SC-in Adani Group chungchanga PIL thehluh ngaihtuah a remti

Supreme Court chuan Congress party hruaitu, Dr Jaya Thakur-in Adani Group chungchang chhui chian phuta petition a thehluh chu naktuka ngaihtuah a remti.

Congress hruaitu Dr Thakur hian US-based short-seller Hindenburg Research report-a Adani Group-in thil dik tawk loa a kalpui dan an sawite chu chhui chian a phut a ni .A petition thehluh hi chief justice of India DY Chandrachud chuan February 24-a ngaihtuah tura a tih hnuah, Adani chungchagnga petitoin lut dang pahnih chu February 17-a ngaihtuah tura tih an lo nih avangin, hemi ni hian Dr Thakur petition thehluh pawh ngaihtuah ve nghal turin a ti leh ta a ni.

Thakur hian Adani Group-a Life Insurance Corporation leh State Bank of India-in mipui sum tam tham tak an invest nia sawi chungchang chu chhui chian a phut tih a tarlang. "Hindenburg report aṭang hian Adani Group hnuaia company-te leh an thawhpuite thiltih danah zawhna tam tak a rawn siam a, public sector bank leh LIC tan hlohna nasa tak a thlen a ni," a ti.