India leh Japan-in kar 2 awh tur military wargame nei

India leh Japan siapite chuan nimin khan Japan-a Shiga province-ah kar hnih awh tur mega military wargame an ṭan.

Wargame hi 'Dharma Guardian' tia vuahin, Indian army official-te chuan ram pahnihten security lama chona hrang hrang an hmachhawn beih let dan tur atana thil pawimawh tak a nih thu an sawi.

Shiga province-a Camp Imazu-a exercise neihah hian Indian Army-a Garhwal Rifles regiment leh, Japan Ground Self Defence Force (JGSDF) Middle Army-a infantry regiment an tel a. March 2 thleng neih a ni ang.

Indian Army thuchhuah chuan, joint exercise hi ram pahnih sipaten tactic, technique leh tactical operation neihna kawnga tih danṭhate an inhrilh tawnna tur a ni tih sawiin, hei bakah hian ram pahnih siapite thawhdunna leh inṭhianṭhatna tihnghehna tur a ni, a ti. Training-ah hian high degree physical fitness leh tactical level drill chungchangte thlurbing deuh bik a ni ang.