Self Help Group-a member target tlin a ni ṭep tawh : Union Minister

Sorkar laipuiin kum 2024-a Self Help Group (SHG) member vaibelchhe 10 tling hman tura target a siam chu a tlin ṭep tawh tih union minister for rural development Giriraj Singh chuan a sawi.

Union Minister chuan kum 2014-a BJP-in central-a sorkarna a chelh tirh khan, Self Help Group member hi vaibelchhe 2.35 an awm a, kum 2024-ah member vaibelchhe 10 tling hman tura target siamin, tunah hian member vaibelchhe 9 an awm tawh a ni, a ti. SHG member-ah tam zawk ziakluh zel tumin sorkar chuan theihtawp a chhuah mek zel a ni, a ti.

Ningani khan rural develoment ministry leh Bengaluru-based Fashnear Technologies Private Limited hnuaia e-commerce platform, Meesho chuan thawhdunna tur inremna a ziak. Inremna an siamah hian, e-commerce platform hian Deendayal Antyodaya Yojana - National Rural Livelihood Mission hnuaiah SHG-te thil siam chhuah zawrhchhuahna kawngah a pui ang.

Minister chuan kum 2014 hma lamah khan SHG-te tana loan pek chu Rs vbc 80,000 vel a ni a, mahse BJP sorkar hnu aṭangin Rs vbc nuai 6.25 a tling tawh a ni, a ti.