March 3-ah Quad foreign minister meeting nei dawn

March 3 hian New Delhi-ah Quad country foreign minister meeting neih a ni dawn.

'Quadrilateral Security Dialogue' (QSD), Quad tia sawiah hian ram pali - Australia, India, Japan leh US an awm a, kum 2007-ah an din a ni. A khat tawkin Quad member-te hian meeting an nei fo a ni.

Australia chu China sorkar laka a lungawi loh avang leh, Asia-Pacific region-a US-China inkar buaina awm fo avangin forum aṭang hian a inhnukdawk a, mahse kum 2010 khan Quad naval exercise-ah rawn tel ve lehin, forum-ah hian a rawn kir leh a ni.

March 1-2 hian Delhi-ah G20 meeting neih a ni dawn a, hemi zawh hian foreign minister S Jaishankar chuan Australia, Japan leh US foreign minister - Penny Wong, Yoshima Hayashi leh Antony Blinken-te nen meeting hi an nei zui ve leh nghal ang. He meeting-ah hian kumina Quad summit, Australia rama neih tura agenda turte tihfel nghal an tum a ni.