Covid-19 kai thar tam ber ni leh thi tam ber ni
Kar liamta Inrinni kha India rama ni khat chhunga Covid-19 hri kai thar tam ber ni lehin, mi 4,987-in an kai. He hri vanga thi tam ber ni chu a ni bawk a, thi hi mi 120 an awm.
Kar liam ta Thawhṭanni kha ni khat chhunga Covid-19 kai tam ber ni a lo ni tawh a, kha mi ni khan hri kai thar mi 4,213 an awm a, mi 97 an thi bawk. Hri kai thar leh thi an pun belh zel avangin India-ah he hri leng hi a sarhu lai a la thleng lo niin mithiamte chuan an sawi a, June leh July thla hi he hri sarhu lai tur a nih an ring.
Ministry of health and family welfare chuan nimin khan ramchhunga hri kai zawng zawng hi mi 90,927 an awm tlin thu a tarlang a, heng zinga mi 34,109 chu enkawl dam tawh niin, he hri vanga thi hi mi 2,872 an awm tawh a ni.