CBI-in FCI-a eirukna thleng kaihhnawihah Punjab-a hmun 30 an dap

Food Corporation of India (FCI)-a eirukna thleng nia sawi kaihhnawihah, central bureau of investigation (CBI) chuan nimin khan Punjab-a hmun 30 an dap.

Punjab-a FCI official-te hian sumdawng leh rice miller-te hnen aṭanga quality ṭha tawk lo laksakin, heng buhfai ṭha tawk lo an laksak manah hian truck pakhatah Rs 1,000 - 4,000 thamna an phut nia sawi a ni. Heng thamna sum an dawnte hi level hrang hranga officer-ten a percentage siamin an insem ṭhin nia sawi a ni.

Hetianga Punjab state chhunga FCI godown hrang hranga thamna lak a nih ṭhin chungchangah hian FIR thehhluh a ni a, dik lo taka thiltihnaah hian technical assistant aṭanga executive director thlengin an inhnamhnawih nia sawi a ni bawk.

CBI hian FIR thehluh kaihhnawihah 'Operation Kanak' tih hmingin a hmain hmun eng emaw zat a lo dap tawh a ni. Nimin khan a ṭum hnihna atan buhfai zuar, rice mill neitute leh, FCI-a official thawk lai leh pension tawhte an dap chhunzawm a ni.