Delhi sorkarin khawpui chhungah bike taxi khap

Delhi sorkar chuan khawpui chhunga Ola, Uber leh Rapido-ten bike taxi an service tir ṭhin chu a khap.

Delhi transport department chuan Thawhṭanni khan hriattirna hi tichhuakin, two-wheeler non-transport (private) registration mark/number neite chu khawpui chhunga passenger phurh kualna, sumdawnna atan hman a ni ṭhin tih an hriat thu leh, hei hi Motor Vehicle Act, 1988 bawhchhiatna a nih thu a tarlang. Khapna thupek zawm lo, bike taxi service lui chu an man vawikhatnaah Rs 5,000 chawitir an ni dawn a, a hnuah an la service lui leh a nih chuan Rs 10,000 chawitir bakah, lung-inah khung theih an ni ang. An driving license pawh kum thum chhung hreksak theih an ni dawn bawk a ni.

Khawpui chhung traffic tawt avang leh, cab hman man a san avangin mipuiten bike taxi hi an hmang uar hle.