Germany Chancellor Scholz a rawn zin dawn

Germany chancellor Olaf Scholz chu February 25-26 hian India ramah a rawn zin dawn.

Olaf Scholz hi February 25 hian New Delhi-ah rawn thlengin, president Droupadi Murmu leh prime minister Narendra Modi-te meeting a neihpui dawn a, a tukah Bengaluru a pan ang.

Kum 2021, December 8-a Angela Merkel thlaka Germany chancellor atana lakluh a nih hnuah Scholz-a'n India ram a rawn tlawhna hmasa ber tur a ni a, hei bakah hian kum 2011-a ram pahnihten Inter-Governmental Consultation (IGC) mechanism an kalpui hnua Germany Chancellor rawn zin leh hmasa ber tur a ni bawk tih ministry of external affairs chuan a tarlang.

Scholz leh Modi-te hian ram pahnih inlaichinna chungchang bakah, regional leh global issue-te an sawidun dawn a, Indian leh German CEO-te leh sumdawng hotute an kawm bawk ang.