Class 1 admisision-ah kum 6 chin bithliah turin hriattir

Union education ministry chuan state leh union territory zawng zawngte hnenah hriattirna pein, National Education Policy 2020 zulzuiin Class 1 zirlai admission ti turte chu kum 6 leh a chunglam chinah bithliah turin a ti.

Education ministry hnuaiah department of school education and literacy chuan state leh UT sorkarte hnenah hriattirna an pek hnuah, Class I zirlai tur kum bithliah tihsan chungchangah chhanna engmah an la dawng lo tih an sawi. School admission hi March thlaa ṭan a nih ṭhin avangin, hriattirna hi admission ṭan hma February 9 khan pek vek an ni, a ti.

Official-te chuan Kendriya Vidyalaya school-te chuan kum bithliah chungchangah an policy hi thlak tawhin, Class 1 zirlai kum 5 chin an tih ṭhih chu kum 6-ah an thlak tawh tih an sawi.

NEP 2020 hian 'foundational stage'-a naupang zirna tihchak chu dah pawimawh turin a ti a, foundational state hian kum nga chhung (kum 3-8) inkar a huam a, kum thum hi pre-school education atan leh, kum hnih chu early primary class, Class I leh II atan a ti a ni. Foundational year atana learning material pawh ministry hian tun hnaiah a tichhuak a ni.