BBC India Director-in hlau lo turin staff-te a chah

BBC India director Tim Davie chuan Delhi leh Mumbai-a an office-te Income Tax deparment-in an dapsak hnuah, an staff-te email thawnin, hlauh leh duhsak bik nei loa report pe chhunzawm zel turin a chah.

Davie chuan an staff-te chu an huaisenna avanga lawmthu a hrilh rualin, thu dik tak report aia pawimawh dang a awm lo tih a hrilh nghal a ni. BBC chuan an tana thawktute'n ṭha taka hna an thawh chhunzawm zel theihna turin a pui zel dawn tih a sawi bawk.

"Khawvel mipuite tana kan rawngbawlna chu thu dik tak umzui a, hleih nei loa thu dik thehdarh hi a ni. Hemi kan thawhna turah hian engmahin min dang lo ang," tiin a sawi. BBC chuan huat leh bitum bik a nei lo a, a ṭul danin a nawr ang zela kal an ni tih sawiin, mipuiten an chhehvela thil thlengte an hriatthiamna tura thu dik leh rintlak pek chu an tum ber a nih thu a sawi.

IT department hian BBC chu chhiah an pek danah dik tawk lo awm nia sawiin, New Delhi leh Mumbai-a an office chu dapin, ni thum chhung 'survey' an nei a ni.