Congress Plenary Session-ah Rahul Gandhi-a'n thu a sawi

Chhattisgarh khawpui, Raipur-a Congress party 85th Plenary session-ah nimin khan party president hlui, Rahul Gandhi chuan thu a sawi a, an party chuan thu dik tak haichhuah a nih hma chu Gautam Adani chungchang an zawh chhunzawm zel tur thu a sawi. Parliament-a BJP hruaitute Adani an ṭan tlat chu a sawisel zui bawk.

Adani Group chungchangah BJP kaihhruai sorkar chu na takin Rahul Gandhi chuan a bei a, "Parliament-ah prime minister leh Adani inlaichin dante kan zawh vang ngawtin, record aṭangin kan thusawite paihchhuah a ni. Mahse Parliament-ah hian Adani chungchang hi thu dik tak puanchhuah a nih hma chuan vawi sang tel kan la zawt zel dawn tho a ni," a ti.

Adani company chuan ram mipui a ti na a, ram infrastructure chu a lakbo sak a ni tiin, tunah chuan ram zalenna chu company pakhat lak aṭanga sual a ngai ta a ni, tiin Gandhi chuan a sawi.