J&K-ah security force-ten firfiak 2 an kaphlum

Jammu and Kashmir-a Pulwama-ah nimin khan security force-ten firfiak pahnih an kaphlum a, pakhat zawk hi Pathiannia Kashmiri Pandit lo kaphlumtu nia sawi a ni.

Firfiak leh security force-te hi nimin zing dar 1:30 vel aṭang khan Pulwama district-a Awantipora-ah an inkap a, an inbeihnaah hian sipai pakhatin hliam a tuar.

Kashmir Zone police chuan security force-te an kahhlum pakhat zawk Kashmiri pandit Sanjay Kumar thattu, Aqib Mustaq Bhat a nih thu leh, HM firfiak pawla tel ṭhin, tunah chuan TRF tana thawk a nih thu an tarlang.

Achan, Pulwama-a cheng Sanjay Sharma hi bank security guard niin, Pathianni khan a bazar kal chu firfiakten an kap a, hliam na tak tuarin damdawi-in panpui a nih hnuah a thi a ni.