February thla chhungin India-in kawlphetha unit tld 117.84 hmang

Sorkar laipui data-in a tarlan danin, February thla chhung khan India ramin kawlphetha unit tluklehdingawn 11,784 a hmang a, nikum February thlaa a hman aiin 9% in a tam zawk.

Mithiamte chuan March thla hian khua a lum chhoh tawh avang leh, economic activity a tam chhoh avangin kawlphetha hman zat hi a la pun belh dawn niin an sawi.

February thlaa peak hour, ni khata supply san ber laiin 209.66 gigawatt (GW) a tling pha a, kum 2022-ah khan peak power supply hi 193.58 GW niin, kum 2021 February thlaah khan 187.97 GW a ni.