Myanmar-a gun barrel 20 thawnah India firm puh

Acvitist group, Justice for Myanmar chuan India rama sorkar hnuaia arms manufacturer pakhat chuan Myanmar-ah gun barrel a thawn nia puhin, hengte hi sipaiten sorkar sorkar dodaltute beihna atan pawh an hman a rinawm thu an tarlang.

Justice of Myanmar chuan nikum October thla khan arms manufacturer, Yantra India Limted-in gun barrel, millimetre 122-a sei 20 chu Myamnar-ah a thawn nia sawiin, hei hi shipping data an hmuh aṭanga an hriat a ni tih an sawi. An thil thawn hi USD 3,30,000 man hu niin, Yagong-a Innovative Industrial Technologies Company Limited hnenah a thawn a ni, an ti. He company hian nikuma Myanmar sipai sorkarin data centre-a security appliance thawntu tur tender a chhuah pawh a chang niin an sawi bawk.

Yanta leh Innovative Industrial Technologies chuan activist group puhna chungchangah hian chhanna emaw, thuchhuah emaw engmah an la siam lo.

Justice For Myanmar thupuangtu Yadanar Maung chuan, "India hian Myanmar-a gun barrel thawnluh a remtih avangin, sipaiten civil mite an beihna kawngah a pui tihna a ni," a ti.