Damdawi-inah Sonia Gandhi dah

Congress party hruaitu, Sonia Gandhi chu Ningani khan khawsik vangin New Delhi-a Sir Ganga Ram Hospital-ah dah luh a ni.

Hospital health bulletin chuan Sonia Gandhi hi a ngaihtuahawm lo niin a sawi. Trust Society, Sir Ganga Ram Hospital chairman DR Rana chuan Gandhi hi department of chest medicine-a senior consultant, Arup Basu-an a enkawl tih sawiin, inves­tigation tih mek a ni a, ngaihtuahawm a ni lo, a ti.

Sonia Gandhi hi kumin chhunga damdawi-ina dah luh a nih ṭum hnihna a ni. January thla khan viral respiratory infection vangin Delhi Hospital-ah enkawl a lo ni tawh bawk.