Kerala Police-ten Asianet news channel office an dap

Kerala police-te chuan nimin khan Kozhikode-a Asianet news channel office an dap.

Kerala-a rorellai, CPI(M) hnuaia zirlai pawl, Students' Federation of India (SFI) chuan kar liam ta Zirtawpni khan naupang zinga ruihhlo hluar chungchang, channel-in chanchinthar a tihchhuah chu a dik tawk lo nia sawiin, Kochi-a Asianet office luhchilhin lungawi lohna an lo lantir tawh a ni. Rorellai Left Democratic Front MLA P Vanvar petition thehluh behchhanin, channel neitute lakah hian Inrinni khan thubuai ziahluh a ni bawk.

Asianet news channel hian nikuma naupang zinga ruihhlo a hluar thu an tichhhuah ṭhin chu an phuahchawp niin, video-a naupang lang pawh staff member fanu niin, video-te hi an siamchawp niin Anvar chuan a puh.

Mahse Asianet chuan an puhna hi thu dik lo a ni tih sawiin, an laka petition thehluttu MLA tih dik lohte an tarlan avangin, MLA hian a hma ṭangin a lo vau lawk tawh thu leh, tuna thil thleng pawh a phuba lak tumna niin an sawi ve thung.