NAAC chairperson-in banna a thehlut

National Assesment and Accreditation Council (NAAC) chairperson, Bhushan Patwardhan chuan higher education institution ṭhenkhatin dik lo takin 'grade' an hmu nia a sawi hnuah, Pathianni khan banna a thehlut.

University Grants Commission (UGC) hnenah banna lehkha a thehluhah, Patwardhan chuan NAAC hotu lu dinhmun leh zahawmna humhimna turin banna hi a thehlut niin a sawi.

NAAC hi UGC hnuaia autonomous body niin, ram chhunga higher educational institution dinhmunte enfiah a, grading petu a ni. Kumin February thla khan Patwardhan hian UGC hnenah, institution ṭhenkhatte grading pek danah thil fel tawk lo a awm thu sawiin, ban a duh thu pawh a lo sawilang tawh a ni.

Patwardhan hi kum 2022, February thla khan NAAC executive committee chairperson atan hian ruat a ni.