India sipaite Chinese mobile phone hmang lo turin ti

Line of Actual Control chungchanga China leh India sipaite inkar a chhiat chhoh mek karah, military intelligence agency-te chuan India sipai, Chinese mobile phone hmangte chu an phone hman thlak turin a ti.

Fimkhur thila border area-a sipai awmte chu an phone thlak tura tih an nih thu sawiin, India rama zawrhchhuah, China mobile brand 11 an tarlang a, heng zingah hian OnePlus, OPPO leh Realme te an tel. India ram ep tlattu, China siamchhuah mobile phone-te lei leh hmang lo tura midang leh an chhungte pawh chah turin sipaite chu an ngen bawk.

Galwan valley-a ram pahnih sipaite inkara buaina a thlen hnuah, sorkar laipui chuan Chinese mobile apps eng emaw zat a lo khap tawh bawk. Expert ṭhenkhat chuan apps chauh ni lo, China siam mobile-te pawh information lakna atan hmangin a him lo palh thei tih an sawi.