India-in Pakistan Minister thusawi sawisel

Pakistan foreign minister Bilawal Bhutto Zardari-a'n United Nations Security Council-a women, peace and security' tih chungchanga debate neihah Jammu and Kashmir a rawn sawichhuah chu India chuan a sawisel.

UN-a India per­mament respresen­tative Ruchira Kamboj chuan Pakistan Minister thusawi chu thu belhchian dawl lo leh awmze nei lo a ni tiin, chhanlet tlak pawh a ni lo, a ti.

Kum 2019 February thlaa Pulwama-a Pakistan firfiakten India sipaite an beih chhanletna atana India-in Pakistan ram chhunga Jaish-e-Mohammed (JeM) firfiak training camp a beih hnu aṭang khan ram pahnihte inkar hi a ṭha lo chho hle. Hemi kum vek August thlaa BJP kaihhruai sorkar laipuiin Jammu and Kashmir special status pekna, Article 370 a ṭhiahsak chuan boruak a tichhe leh zual bawk. Pakistan chuan J&K tan special status hi pe leh turin India sorkar chu a nawr fo a ni.