ED-in Tihar Jail-ah Sisodia thu zawtfiah leh

Enforcement Directorate (ED) chuan Delhi excise policy case chungchanga Tihar Jail-a dah mek, Delhi deputy chief minister hlui Manish Sisodia chu nimin khan a ni hnihna atan thu an zawtfiah leh.

ED hian Nilaini khan kum 51 mi, AAP hruaitu Sisodia hi a tanna hmunah thu an lo zawt tawh a, darkar nga zet hun an hmang. ED hian local court aṭangin Sisodia thu zawhfiah phalna hi an la a ni.

Delhi sorkarin a tihtawp tak, kum 2021-22 chhunga a kalpui, excise policy siam leh kalpui a nih dan te, a cellphone kawlte tihchhiat a nih chungchangah Sisodia hi thu an zawt dawn nia sawi a ni. Hengte hi court-ah chargesheet thehluhah tarlan tel an ni. Excise policy kalpui a nih chungchangah hian zu zuar tur hian mi ṭhenkhat chuan thuneitute thamna an pek hnuah license pek nia sawi a ni a, mahse he puhna hi rorellai AAP chuan a pha nasa hle thung. He policy hi tihtawp a nih hnuah, Delhi Lieutenant Gorvernor chuan thil dik tawk lo awm nia sawite chu CBI chhui turin a ti a, ED pawh hian Prevention of Money Laundering Act (PMLA) hnuaiah thubuai a lo ziaklut ve bawk a ni.