CBI, ED-te hi BJP leh Modi-a kutkete an ni : KTR

BJP kaihhruai National Democratic Alliance (NDA) sorkar laipuiin central agency-te a enkawl dan na taka sawiselin, Telangana IT minister KT Rama Roa (KTR) chuan, "Agency zawng zawng - CBI, ED, IT leh a dangte pawh hi BJP leh Modi-a kutke te vek an ni. NDA chhungah an tel vek a ni," a ti.

Adani Group buaina leh, thamna laa puh Karnataka BJP MLA Madal Virupakshappa leh a fapa Prashanth-te chungchang pawh sawichhuakin, BRS hruaitu KTR chuan CBI, ED leh IT hian BJP hruaitute in dap leh chhui an neih an hre ngai em tiin midangte a zawt zui bawk.

"Engvangin nge Adani chungchangah hian prime minister hi a ngawih tlat? Karnataka-a contractors' association-in state-ah 40% commission a awm thu complaint an thehluh hnuah pawh engatinge hma lak a nih loh? BJP MLA ngeiin Chief Minister ni tur chuan Rs vbc 2,500 vel sen a ngai tiin a sawi a, hetih lai hian khawiah nge ED te an awm?" tiin Prime Minister Modi ngei chuan mipuite aw a ngaihthlak sak loh avangin PM-in Maan Ki Baat a neih ṭhin pawh an ngaihthlak bikna chhan tur a awm lo tih a sawi.