Raghav Chadha-a'n central agency-te chet danah BJP a dem

Aam Aadmi Party (AAP) hruaitu Raghav Chadha chuan tun hnaia eptu pawl hruaitute chunga central law enforcement agency - Central Bureau of Investigation (CBI) leh Enforcement Directorate (ED) chet danah central-a rorellai, BJP chu na taka sawiselin, BJP chuan India ram chu eptu pawl awm lohna rama siam a tum a ni, a ti.

Central agency-te hian AAP hruaitu pahnih, Satyender Jain leh Manish Sisodia an man bakah, Telangana-a Bharat Rashtra SAmithi (BRS) MLC leh Telangana chief minister fanu,K Kavitha pawh Delhi excise policy case-ah thu an zawtfiah mek a ni.

Inrinni liam taa New Delhi-a press conference a neihah Chandha chuan, "BJP thil tum ber chu India ram hi eptu pawl awm lohna ramah siam a ni. India-ah chuan party pakhat chuah, hruaitu pakhat chauh awm turin a duh a, politician dangte chu jail-a khunglut zel an duh. India ram chu mi pakhat rorelna rama siam an duh a ni, " tiin a sawi.

Delhi excise policy case kaihhnawiha CBI-in a man, Tihar jail-a awm mek Delhi deputy CM hlui, Manish Sisodia pawhin prime minister Narendra Modi chu rawn beiin, "Jail-ah khungin min tibuai a ni thei e, mahse ka rilru erawh i tidanglam thei dawn lo," tiin British ho pawh khan ram zalenna sualtute kha nasa takin tibuai mahs se, an rilru erawh an hnehin an tihbuai sak thei lo a ni, a ti.