Sorkar laipuiin mahni anpui nena inneih pawm lo

Mahni anpui nena inneih (same sex marriage) pawm tura ngenna, Supreme Court-a petition thehluhte chu sorkar laipui chuan a thlawp lo tih a sawi.

Supreme Court-ah affidavit a thehluhah sorkar laipui chuan mahni anpui neih chu India-in chhungkua, family unit a pawm dan nen an inmil lo tih sawiin, chhungkua tia a pawm chu pasalah 'mipa' leh nupuiah 'hmeichhia' bakah, an inkara fa piang awmnate a ni, a ti.

Sorkar laipui chuan inneihna chu neih inang lo mi pahnih inzawmna a ni ngei tur a ni tiin, Parliament-in marriage law a lo duan tawh, sakhaw hrang hrang pawm dan nen pawha inmilah chuan mipa leh hmeichhia inkara inneihna chauh chu danin a pawm a ni tih a sawi.

Hemi chungchang hi Parliament kuta dah turin court chu a ngen a, hetianga inlaichinna chungchangah chuan legislature lamin a ngaihtuah a, dan a siam chauh hman a ni tur a ni, a ti.