Nepal-in India ramri hnaihah BOP 200 chuang sak a tum

Nepal chuan India nena an inrina, Indo-Nepal border bula an ram chinah border outpost (BOP) thar 200 chuang sak a tum mek tih security agency-te chuan an tarlang.

BOP hi 400-500 vel sak an tum nia sawi a ni a, Nepal hian BOP hi 130 a nei sa bawk a ni. Ramria outpost-te thuam chak an tum bakah ramri depah te hian a tam thei ang ber kalpawhna siam tir an tum bawk a ni. 

India-a border patrol organization, Sashastra Seema Bal (SSB)-te hian Nepal nena India ramri depah border outpost hi 500 vel an nei a, hei vang hian Nepal hian India ramri depah border outpost hi 500 tal neih tlin a tum ve nia ngaih a ni. 

Nepal hian border outpost siam belh an tum bakah hian ramri leh a chhehvelah helipad siam nual an tum bawk niin security agency-te chuan an tarlang. Helipad hi tunhnaia Nepal-in an ram map china a rinluh Lipulekh-a Garbadhar leh Jhangru-ahte siam a tum a ni tih security agency-te chuan an tarlang bawk.