Mumbai-ah ruah sur nasa vangin office khar

Mumbai-ah Thawhṭanni zan aṭang khan ruah nasa taka a sur avangin khawpui chhungah tui a tling nasa a, hei vang hian emer­gency service tih loh chu khawpui chhunga office-te khar vek an ni. Vawiin lamah ruah hi a la sur chhunzawm dawn nia sawi a ni.

Rel tlanna kawngah te tui a tlin tam avangin local train service pawh hmun ṭhenkhatah tihtawp a ni. Kawngpui eng emaw zat chu tuilian hian a chim a, hmun ṭhen­khatah lei tawlh pawh a awm bawk. Thawhṭanni zing dar 8 aṭanga nimin zing dar 6 thlenga Mumbai  khawpuai ruah sur hi 230.06 mm a tling a ni. 

Brihanmumbai Municipal Corporation (BMC) chuan mipuite chu pawn chhuak lo turin a ngen a, sumdawnna hmunte pawh khar turin an ngen bawk.