Ni khatah Covid-19 hri kai thar 600 chuang awm leh

India ramah Thawhlehni khan Covid-19 hri kai thar 618 an awm a, hei hi ni 117 hnua ni khata hri kai thar 600 an tlin lehna hmasa ber a ni.

Union health ministry-in nimina data a tichhuahah, ram pumah hri kai hmuhchhuah hi vaibelchhe 4.46 a awm tawh a, an zinga 5,30,789-in thihpui tawhin,Thawhlehni hian hri vanga thi mi panga an awm.

Hri kai mek, active case pawh pungchhoin mi 4,197 an awm mek. Hetih lai hian hri kai tawh aṭanga enkawl dam tawh 98.80% niin, hri thihpui hi 1.19% an awm tawh bawk.

Ram pumah Covid-19 vaccine hi dose vaibelchhe 220.64 pek chhuah a ni tawh a ni.