AP-ah Indian Army helicopter a tla

Indian Army Cheetah helicopter chu nimin khan Arunachal Pradesh-a Bomdila khawthlang lam, Mandala bulah a tla.

Chopper hi zing dar 9.15 vel aṭang khan, Bombila bula a thlawh laiin Air Traffic Controller aṭangin biak pawh theih lohin a awm tih defence thupuangtu, Lt Col. Mahendra Rawat chuan a sawi.

Helicopter chesualah hian pilot pahnih an chuang a, an chin hriat a la ni lo. Helicopter tlakna hmunah hian zawngtu tur tirh nghal an ni tih Army thuchhuah chuan a tarlang.