Khawvela khawpui boruak bawlhhlawh 50 zingah India khawpui 39 tel

Swiss firm IQAir-in 'World Air Quality Report' a tihchhuahah kum 2022-a khawvela khawpui boruak bawlhhlawh zual 50 a tarlan zingah khawpui 39 chu India rama mi an ni.

Hetih lai hian kum 2022 chhunga a ram pum anga boruak bawlhhlawh zual tarlan zingah India ram chu a hma aiin a dinhmun a ṭha hret a, a hmaa pangana a nihna ṭangin pariatnaah a tla thla. PM 2.4 level chu 53.3 micrograms/cubic meter-ah a tla a, mahse hei pawh hi World Health Organisation-in a him tawk nia a sawi aiin alet 10 velin a la sang thung.

IQAir hian ram 131-te data lakhawmin khawpui 7,300 chuangte a zirchiang a, hei hi kum 2017 hnua khawpui a zirchian tam ber ṭum a ni.

Khawpui boruak bawlhhlawh bera thlante hi Pakistan-a Lahore leh China-a Hotan khapwuite niin, pathumna leh palinaah India rama Bhiwadi leh Delhi-te an lang bawk. Kum 2021 thleng khan Delhi hi a zawnin kum li chhung khawvela khawpui boruak bawlhhlawh ber a ni ṭhin.