PM Modi leh Japan PM Kishida-ten meeting nei

Prime minister Narendra Modi leh Japan prime minister Fumio Kishida-te chuan nimin khan New Delhi-a Hyderabad House-ah meeting an nei a, ram pahnihten thawhdunna leh inzawmna zau leh nghet zawk an siam dan tur te, Covid hri len hnuah khawvel ralmuang leh hmasawnna ngelnghet zawk siam dan turte an sawi dun.

Japan Prime Minister hi nimin zing dar 8 khan Delhi a rawn thleng a ni. India ram pana a zinchhuah hmaa chanchinthar lakhawmtute a kawmnaah, Kishida chuan a zin tur chu khawvel pum huapa India leh Japan ramte inzawmna thuk zawk siamna tura a ni tih a sawi.

"Kuminah Japan chuan G7 presidency a chelh a, India-in G20 hruaitu dinhmun a chelh mek bawk. Hei vang hian prime minister Modi nena inkawmna ṭha tak neih a, Japan leh India-in international community huapin eng ang hna leh chanvo pawimawh nge a thawh ang tihte uluk taka sawidun ka duh a ni," a ti.