SC-in OROP sum bat pe turin sorkar laipui hriattir

Supreme Court chuan sorkar laipui hnenah One Rank One Pension (OROP) scheme siam hnuaia sipai pensioner nuai 10-11 vel sum pek tur a la tihtkhawtlai sak chu nakkum February 28 hmaa pe fel vek turin a hriattir.

Chief justice of India DY Chandrachud kaihhruai Supreme Court bench chuan nimin khan sorkar laipuiin OROP sum a la pek loh chungchanga Indian Ex-Serviceman Movement (IESM) petition thehluh a ngaihtuah a, ministry of defence chu OROP scheme hnuaia sum a pek dan turah hetiang hian hriattirna a pe nghal a ni -

- Family pensioner leh gallantry award dawngtute sum pek tur chu single instalment-in April 30, 2023 hmain a pe vek tur a ni.

- Kum 70 chunglamte arrear a bat sak chu June 30, 2023 hmain a pe tur a ni. Sorkar laipuiin sum a batsak hi a ṭum khata pek tlak emaw, June 20, 2023 thleng instalment angin emaw a pe thei ang.

- A bak pek ngai dangte chu a zat inang zelin thawh thumin a pe tur a ni a, instalment-a a pek hun tur hi August 31,203; November 30, 3023 leh February 28,2024 hma tifel zel turin a ti.

Bench chuan sipai pensioner nuai 25 zingah nuai 4 chu OROP scheme dawng thei lo, thil dang zawkah pension dawng an nih thu a sawi bawk.