AAP sorkarin Delhi budget 2023-24 a pharh

Delhi-a Aam Aadmi Party (AAP) sorkar chuan ministry of home affairs (MHA)-in phalna a pek hnuah nimin khan Delhi 2023-24 budget a pharh thei ta.

MHA hian Delhi sorkarin budget proposal a siamah, advertisement tana sum dah tam leh, hmasawnna hna thawhna tura sum dah a tlem tia sawiin a lo dansak a ni. Hei vang hian sorkarin budget pharh hun tura a ruat, Thawhlehni-ah khan an pharh thei lo a, BJP kaihhruai sorkar laipui thiltih dan chu na takin an dem thu an sawi. Hemi hnuah MHA hian phalna hi pe lehin, niminah an pharh thei ta a ni.

Finance minister Kailash Gahlot chuan Rs vbc 78,000 budget hi pharhin, sorkar kum thara hmalakna tur scheme thar pakuate a puang bawk.

AAP sorkar hian education sector tan sum dah tam berin, Rs vbc 16,575 a dah. 'Clean, beautiful and modern' Delhi siamna atan, kawngpui thuam ṭhatna turin Rs vbc 19,466 dah a ni bawk. Kum 10 chhungin Delhi kawngpui, km 1,400-a thui chu cheiṭhat vek hman an tum. Infrastructure project atan Rs vbc 2,034 an dah bawk.