Aadhaar leh voter ID thlunzawm theih hun pawtsei

Sorkar laipui chuan Aadhaar number leh voter ID thlunzawm, link vek tura hun a tiam chu nakkum March 31 thleng atan a pawtsei.

Kum 2022, June 17-a sorkarin hriattirna a lo tihchhuah tawhah Aadhaar leh voter ID thlunzawmna tur hian April 1, 2023 thleng hun a tiam a, mahse Thawhlehni khan ministry of law and justice chuan hun tiam hi pawhsei a nih thu a tichhuak a ni.

Election Commission pawhin registered elector-te chu voter ID nena thlunzawm turin an Aadhaar number lakkhawmna turin campaign pawh a lo nei tawh bawk a ni.

Kumin February thla thleng khan India rama voter vaibelchhe 94.5 zingah voter ID leh Aadhaar link tawh hi 60% chuang an awm tawh tih ECI chuan a sawi. Tripura state chu link ṭhatna ber state niin, voter zinga 92% chu an Aadhaar number an thlunzawm tawh.

Laskshadweep leh Madhya Pradesh-ah voter ID leh Aadhaar thlunzawm 91% leh 86% an awm tawh bawk.

Hetih lai hian thlunzawm la tlemna ber chu Gujarat state niin, voter 31.5% chauh thlun an ni a, Delhi-ah pawh voter 34% chauhin an Aadhaar nen an la thlunzawm bawk a ni.