Khalistani thlawptute'n London-ah lungawi lohna lantir

Punjab police-ten man tuma an zawn mek, Khalistani leader Amritpal Singh an thlawpna lantirin, Khalistan movement thlawptute chuan Nilaini khan London-ah nawrh an huaihawt.

Khalistani supporter-te hi BBC office-ah kalkhawmin, tun hnaia BBC documentary siam, prime minister Narendra Modi chanchin a ṭha lo lam zawnga tarlanna chu tichhuak turin an phut. He documentary, 'India : The Modi Question' tihah hian kum 2002 Gujarat intualvuakna thlen ṭuma hetih laia chief minister Narendra Modi leh a kaihhruai sorkar inhnamhnawih dante tarlan a ni. Sorkar laipui chuan India ram chhungah he documentary hi tihchhuah a khap a ni.

BBC office kawt bakah, India High Commission (IHC) bulah Khalistani supporter-te hi an pungkhawm a, Kashmir inlakhran duhtu pawlten an thlawp bawk.