Jairam Ramesh-a'n Amit Shah thusawi chhui chian phutin CBI hnenah ngenna thlen

Congress party general secretary, Jairam Ramesh chuan Central Bureau of Investigation (CBI) director Subodh Jaiswal hnenah lehkha thawnin, union home minister Amit Shah chu Meghalaya sorkar hmasa eiru nasa ber tia a sawi chungchangah chhui chian a phut tih sawi.

Ramesh chuan kumin February 17 thlaa vantlang inkhawma thu a sawi ṭumin, Amit Shah hian Meghalaya sorkar chu India rama sorkar eiru nasa ber a ni tia a sawi thu a lehkhaah hian a tarlang. "Amit Shah hi India ram home minister a ni a, home minister a nih angin information-te hi nei thei vek a ni a, hei vang hian he thu hi a sawi a ni thei," a ti. Mahse Meghalaya sorkar eirukna leh tih dik lote information a dawn chungin eng kawng mahin hma a la zui a, hei vang hian Amit Shah hi koa thu zawtfiah tur te, a information dawn zawng zawngte thehluh tir a chhui zui tura an phut thu Ramesh chuan a tarlang bawk.

Home Minister leh BJP national president hlui Shah ngeiin Meghalaya sorkar chu sorkar eiru nasa ber tia a sawi chungin, chief minister Conrad Sangma kaihhruai sorkar chu BJP chuan a thlawp reng tho a ni, a ti.