Lok Sabha-ah sawiho lohin Finance Bill pass

Lok Sabha rorel inkhawmah nimin khan saiwho lohin Finance Bill 2023 pass a ni.

Parliament budget session neih mekah rorelna in hnihah eptu lamin Adani Group buainaa Joint Parliamentary Committee (JPC) chhui tir an phut vang leh, rorellai BJP lamin London-a Congress hruaitu Rahul Gandhi thusawi dan avanga ngaihdam dil an phut bawk avangin rorel mumal thei loin hun rei tak an awm tawh a ni.

Nimina Lok Sabha inkhawmah eptuten Adani Group tih dik loh nia sawite JCP chhuitir phuta an aubuaina karah, member-ten sawihona engmah nei loin Finance Bill hi pass a ni. He bill-ah hian official amendment eng emaw zat a awm bakah, section 20 telh belh a ni bawk.

Finance Bill pass a nih hnuah Lok Sabha rorel inkhawm hi karleh Thawhṭannia chhunzawm turin tihtawp nghal a ni.

Rajya Sabha-ah pawh inkhawm ṭan a nih veleh Rahul Gandhi leh Adani Group chungchangah rorellai leh eptu MP-te an aubuai leh avangin rorel thei loin chawhnu dar 2.30 thleng inkhawm tihtawp lailawk a ni. Rajya Sabha-a leader of opposition, Congress president Mallikarjun Kharge chuan Adani JCP-in Adani Group dik lohna chhui tura an phutna chu an nawr chhunzawm zel dawn tih a sawi a, thil dik tawk lo a awm ngei avangin BJP hian an hlau a ni, a ti.