PM Modi-a'n Mann Ki Baat vawi 99-na hmang

Prime minister Narendra Modi chuan thla tina radio programme a hman ṭhin, Mann Ki Baat vawi 99-na chu nimin khan a hmang.

Mann Ki Baat episode 99-naah hian organ donation chungchang sawiin, hemi hmanga mi tam tak nunna chhanhim a nih thu a sawi. "Mi pakhatin a thih hnuah a taksa peng a mamawhtute tana a pek chuan, mi 8-9 vel nunna a thlak danglam sak thei a ni," a ti. Tun hnaia ram chhung organ donation ngaihventu an pung zel chu lawmawm a tih thu sawiin, kum 2013-a organ petu mi 5,000 vel lek an awm laiin, kum 2022-ah chuan mi 15,000-ah an pung tawh a ni, a ti. Show a neih lai hian PM chuan organ petu chhungte pawh be nghalin, donor-te chuan mi tam tak nunna an chhanhim avangin an thih hnuah pawh midang nunna chhanhimtu an ni ta zel a ni, tiin a sawi.

PM Modi chuan renewable energy lama India hlawhtlinna, hmeichhiate thuam chak an nih zel dan te, Covid-19 hri leng chho leh chungchangte a sawilang bawk.