PM Modi-a'n Parliament building thar tur a en

Prime minister Narendra Modi chuan Ningani khan puangzar lawk loin Parliament building thar tur sak mek chu a tlawh. Hna thawh dante a enfiah nghal a ni. Hei hi ṭum hnih a tlawhna a ni.

Chhawng lia sang tur, square ft 65,000-a zau Parliament building thar tur hi thla thar tawp lamah zawh hman beisei a ni. Hna hi 95% vel an zo tawh niin an sawi. Official-te chuan building tharah hian Lok Sabha leh Rajya Sabha pawhin monsoon session an nei thei tawh dawn niin an sawi.

PM Modi hi Lok Sabha speaker Om Birla leh housing and urban affairs secretary Manoj Joshi-ten an ṭawiawm a, darkar khat leh a chanve vel hun an hmang a ni.