March thlaa GST lakluh Rs vbc nuai 1.6 tling

Sorkar laipuiin March thlaa Good and Services Tax (GST) hmanga a sum lakluh chu a thla hmasa aiin 13%-in a pung a, Rs vbc nuai 1.6 a tling. Thla khata GST lakluh a san ber dawt a ni.

Kum 2022-23 chhunga GST lakluh hi kum 2021-22 aiin 22% in a sang zawk a, chawhrualin thla khata lut hi Rs nuai 1.51 zel ang a ni. March thla bik hi kum 2023 chhunga a luh tam ber niin, thla 12 chhung chu a zawnin GST kaltlanga sum lakluh hi Rs vbc nuai 1.4 chuang a ni tawh a ni.

March thla chhung bika GST hmanga sum lakluh zingah central GST chu Rs vbc 62,954 niin, state GST aṭangin Rs vbc 65,501 a lut bawk. State 16 leh Jammu and Kashmir union terrritory-ah chuan March thla chhunga domestic transaction hi national average aiin a sang zawk. Hetih lai hian Himachal Pradesh leh Gujarat growh rate erawh chu a hniam thung.