April 10-ah Sikkim special assembly session nei dawn

Sikkim legislative assembly special session chu April 10 hian neih a ni dawn.

Chief minister Prem Singh Tamang chuan assembly special session neih a nih tur thu hi sawiin, 'Sikkimese' tih hman a nih dan chungchangte sawiho a ni ang.

CM political secretary leh rorellai, Sikkim Krantikari Morch (SKM) party thupuangtu Jacob Khaling chuan, SKM chuan Sikkim leh Sikkimese-te nihna, himna leh dikna chanvote chu a ngai pawimawh hle tih a sawi. 'Hei vang hian sorkar pawhin hemi chungchang sawiho turin assembly special session hi a ko a ni. A ṭul dan azirin Sikkim mipuite tan resolution pawh pass a ni ang," a ti. Parliament-a finance bill pass-in Sikkim nihna a palzut nge palzut lo mi thiamten an zirchianna pawh House-ah hian pharh a ni bawk ang.