Kejriwal-a'n senior citizen-te rel ticket man tlawma lei tir leh turin PM ngen

Delhi chief minister, Aam Aadmi Party (AAP) national convenor ni bawk Arvind Kejriwal chuan prime minister Narendra Modi hnenah lehkha thawnin, Indian Railways-in kum upa, senior citizen-te rel ticket man tlawma a lei tir ṭhin chu hman chhunzawm leh turin a ngen.

Sorkar laipui hian kum 2020 senior citizen-te tana rel ticket consession a siam chu a titawp a ni.

PM Modi hnenah lehkha a thawnah, Kejriwal chuan sorkar laipui chuan budget, Rs vcb nuai 45 a nei a, senior citizen-te tana consession a siam chuan Rs vbc 1,600 vel sen belh ngai mah se, budget aṭanga chhut chuan tuifinriata tui mal far ang chauh a ni, a ti. Kum upa zawkte duhsakna lantir tihtawp chuan sorkarin a ngaihsak tawk tawh lo nia ngaihna an nei a, hei hi India ram culture nen pawh a inmil lo tih a sawi. Khawi ram leh khawtlangah mah kum upa zawkte malsawmna tel lo chuan hma a sawn theih loh a ni, a ti.

Parliamentary standing committee pawhin tun hnaiah senior citizen-te tana rel ticket concession siamsak ṭhin chu kalpui leh a lo rawt tawh bawk. Indian Railways hian mipa kum 60 leh a chunglam, leh hmeichhia kum 58 leh a chunglamte chu rel ticket hi 50%-a tlawmin a pe a, hei hian Mail/Express/Rajdhani/ Shatabdi/Duranto rel-a class hrang hrang a huam a ni.